01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Թյուրքական խորհուրդը կանվանափոխվի․ Թուրքմենստանը կդառնա կազմակերպության լիիրավ անդամ
Քաղաքականություն
14.09.2021 | 23:31
Թուրքալեզու պետությունների համագործակցության խորհրդի՝ Թյուրքական խորհրդի նախագահությունն հաջորդ ամիս անցնելու է Թուրքիային։ Այս մասին ասել է Թուրքիայի իշխող «Արդարություն ու զարգացում» կուսակցության փոխնախագահ Բինալի Յըլդըրըմը թուրք-ղազախական Ահմեթ Յասավի անվան պետական համալսարանի 2021-2022թթ․ ուստարվա բացման արարողության ժամանակ, գրում են ադրբեջանական լրատվամիջոցները։
Նա նաև հայտարարել է, որ հաջորդ գագաթնաժողովին Թուրքմենստանը կդառնա Թյուրքական խորհրդի լիիրավ անդամ։
«Այդպիսով՝ 6 պետություն՝ Թուրքիան, Ադրբեջանը, Ղազախստանը, Ղրղզստանը, Ուզբեկստանն ու Թուրքմենստանը կդառնան կազմակերպության լիիրավ անդամներ։ Միաժամանակ Թյուրքալեզու պետությունների համագործակցության խորհուրդը կանվանափոխվի «Թյուրքական պետությունների կազմակերպություն»։
Հունգարիայի գլխավորությամբ դիտորդ դառնալ ցանկացող 15 երկիր սպասում են իրենց հերթին»,-նշել է նա։
Թուրքմենստանը մինչ օրս կազմակերպությունում ունի դիտորդի կարգավիճակ։
Էմմա Չոբանյան
