20.05.2026 | 11:18
ԱՄՆ Սենատն առաջ է մղել Իրանի պատերազմում Թրամփի ռազմական լիազորությունները սահմանափակելու բանաձևը
Օղակաձև զբոսայգում կտեղադրվի Ազգային արժանապատվության ասպետներին նվիրված աղբյուր-հուշարձան
Հասարակություն
14.09.2021 | 23:21
Օղակաձև զբոսայգու չորրորդ հատվածում՝ Ալեք Մանուկյան փողոցի և Տ. Պետրոսյանի անվան շախմատի տան ետնամասին հարող կանաչապատ տարածքի կենտրոնական մասում կտեղադրվի Ազգային արժանապատվության ասպետներին նվիրված աղբյուր-հուշակոթող: Ավագանին միաձայն կողմ քվեարկեց որոշման նախագծին: Հայոց ցեղասպանության կազմակերպիչների նկատմամբ արդարադատություն իրականացրած հերոս հայորդիների հիշատակը հավերժացնող խորհրդանշական հուշակոթողի տեղադրման միջնորդությունը ներկայացվել է Հայոց ցեղասպանության վրիժառուների ժառանգների կողմից: Այն հանգամանորեն քննարկվել է պատմագիտական հանրության շրջանում:
Հուշակոթողի տեղադրման վերաբերյալ նախագիծն այսօր միաձայն ընդունվել է Երևանի ավագանու նիստի ժամանակ․ հայտնում է քաղաքապետարանի մամուլի ծառայությունը։
