11.10.2026 | 10:11
Շանհայ. Կարեն Խաչանովը դուրս եկավ 1/8 եզրափակիչ
Իրանն արդեն մեկ ամսից կարող է ստանալ միջուկային մարտագլխիկ․ NYT
Քաղաքականություն
14.09.2021 | 21:11
Իրանն արդեն մեկ ամսից կարող է ստանալ բավարար քանակությամբ հումք, որն ահրաժեշտ է մեկ միջուկային մարտագլխիկ պատրաստելու համար։ Վերջին ամիսներին Իրանը շատ մոտեցել է միջուկային մարտագլխիկի ստեղծման հանարավորությանը՝ դրա համար անհրաժեշտ բավարար քանակությամբ հարստացված ուրան կուտակելով, գրում է The New York Times-ը։
Հրատարակչությունը հղում է կատարում այն փորձագետների կարծիքներին, ովքեր վերլուծել են Ատոմային էներգիայի միջազգային գործակալության (ՄԱԳԱՏԷ) զեկույցներն Իրանի վերաբերյալ:
«Իրանը երբեք այսքան մոտ չի եղել միջուկային զենքի ստեղծմանը, որքան այժմ … Իրանը, կարծես թե, հաջողել է երկրի միջուկային կարողությունները վերականգնելու դանդաղ և մշտական ջանքերում», – ասված է հոդվածում:
Հրատարակությունը կարծում է, որ իրանցի գիտնականներն ավելի շատ ժամանակ կծախսեն թիրախին մարտագլխիկ հասցնելու տեխնոլոգիայի մշակման վրա: Քանի որ տեղացի մասնագետներն այս ուղղությամբ աշխատում են ավելի քան 20 տարի:
Սրա հետ մեկտեղ, Իրանի իշխանությունները վստահեցնում են, որ երկրի միջուկային ծրագիրը բացառապես խաղաղ բնույթ ունի:
Ավելի վաղ հաղորդվել էր, որ Իրանը զիջումների է գնացել ՄԱԳԱՏԷ-ին։ Մինչ այդ հայտնի էր դարձել, որ Իրանը վերջին երեք ամսվա ընթացքում քառապատկել է հարստացված ուրանի պաշարները `2.4 կգ-ից հասցնելով մինչև 10 կգ:
Տաթև Ֆռանգյան
