30.07.2026 | 18:26
Նոր կենսաչափական անձնագրերի համակարգը կգործարկվի 2026 թվականի աշնանը
Մարիամ Գալստյանն ընտրվեց կոռուպցիայի կանխարգելման հանձնաժողովի անդամ. ՏԵՍԱՆՅՈՒԹ
Քաղաքականություն
14.09.2021 | 12:15
Կոռուպցիայի կանխարգելման հանձնաժողովի անդամի թեկնածուի ընտրության հարցի քննարկումը շարունակվեց նաև այսօր: Մրցութային խորհրդի որոշմամբ՝ հանձնաժողովի անդամի թափուր պաշտոնի համար առաջադրվել է Մարիամ Գալստյանի թեկնածությունը:
Ըստ կարգի՝ Կոռուպցիայի կանխարգելման հանձնաժողովի անդամն ընտրվում է գաղտնի քվեարկությամբ՝ պատգամավորների ընդհանուր թվի ձայների մեծամասնությամբ:
Հաշվիչ հանձնախմբի նախագահ Նարեկ Բաբայանը ներկայացրեց քվեարկության արդյունքները: ԱԺ 107 պատգամավորներից քվեարկությանը մասնակցել են 67-ը: Ձայները բաշխվել են հետևյալ կերպ՝ կողմ 66, դեմ 1:
«Այսպիսով, որոշումն ընդունված է»,- հայտարարեց ԱԺ նախագահ Ալեն Սիմոնյանը:
Մարիամ Գալստյանն ընտրվեց Կոռուպցիայի կանխարգելման հանձնաժողովի անդամ:
