26.11.2024 | 18:15
Հարկերից խուսափե՞լ․ չէ, չենք լսել․ ինչու են դատավորներն ապրում կիսակառույց առանձնատներում
Չարչյանը ահազանգել է, որ Ձեր ցուցումով է իր նկատմամբ խոշտանգում իրականացվում․ Թովմասյանը՝ Ջհանգիրյանին. ՏԵՍՆՅՈՒԹ
Քաղաքականություն
14.09.2021 | 10:54
Ազգային ժողովը քննարկում է Վճռաբեկ դատարանի դատավորի թափուր պաշտոնի համալրման հարցը: Թեկնածուներին ներկայացնում է Բարձրագույն դատական խորհրդի նախագահի պաշտոնակատար Գագիկ Ջհանգիրյանը:
«Ուզում եմ Ձեզանից հետաքրքրվել այն բոլոր մտահոգիչ լուրերի մասին, որոնք պտտվում են Ձեր այսօրվա գործունեության մասին, որ Դուք դատական իշխանությունը դարձրել եք գրպանային իշխանություն ու բացառապես Ձեզ հետ ճշտելով են դատավորները սկսել վճիռներ կայացնել»,- «Պատիվ ունեմ» խմբակցության պատգամավոր Թագուհի Թովմասյանն այս հարցն ուղղեց Բարձրագույն դատական խորհրդի նախագահի պաշտոնակատար Գագիկ Ջհանգիրյանին՝ ներողություն խնդրելով, որ իր հարցը չի վերաբերում թեկնածուներին:
Ջհանգիրյանը նշեց,որ ինքը չի կարող մասնակցել Ազգային ժողովի ո՛չ աջ հատվածի, ո՛չ ձախ հատվածի, ո՛չ էլ կենտրոնում նստած հատվածի քաղաքական քննարկումներին:
«Ես իրավունք չունեմ, ես պետք է ձեռնպահ մնամ քաղաքական որևէ գնահատականներից, բայց դուք կոնկրետ մեղադրանք եք հնչեցնում ու ես պարտավոր եմ դրան պատասխանել: ԲԴԽ-ն որևէ դատավարական գործառույթով օժտված չէ, մենք, տիկին Թովմասյան, նաև հեռախոսով ենք խոսել, կալանավորվերներից մեկը, չեմ ուզում անունը ասել, Ձեզ ասել է, որ ես ճնշել եմ դատավորին, որ այս կամ այն որոշումը կայացնեն, ինքս երկրորդ նախագահի ժամանակ, այնուհետև նաև երրորդ նախագահի ժամանակ հանիրավի անցկացրել եմ բանտում, ես արդարացվել եմ 12 տարի անց ու իմ իրավունքների խախտումը ճանաչել է նաև Եվրոպական դատարանը, ու ես չեմ պատկերացնում, թե ինչպես ես կարող եմ ճնշել դատավորներին, որ ապագայում ևս Հայաստանն ունենա հանիրավի դատապարտված մարդիկ», – ասաց ԲԴԽ նախագահի պաշտոնակատարը:
Թովմասյանն արձագանքեց՝ նշելով, որ ինքը կգաղտնազերծի հեռախոսազրույցը. «Այո՛, պարոն Չարչյանը ահազանգեց, որ Ձեր ցուցումով է իրականացվում նրա նկատմամբ խոշտանգում, հետապնդում, հետևաբար, ես ահազանգը հնչեցրի»:
Մանրամասները՝ տեսանյութում:
