Աֆղանստանում իրավիճակը կարող է հանգեցնել ամբողջ Հարավային Ասիայում իրավիճակի ապակայունացմանը․ Մաուրեր

Աֆղանստանում իրավիճակը կարող է նպաստել ամբողջ Հարավային Ասիայում իրավիճակի ապակայունացմանը, ինչը հակասում է ինչպես տարածաշրջանի երկրների, այնպես էլ ամբողջ միջազգային հանրության շահերին: Այս մասին երկուշաբթի օրը հայտարարել է Կարմիր խաչի միջազգային կոմիտեի (ԿԽՄԿ) նախագահ Փիթեր Մաուրերը, որը վերջերս այցելել էր Աֆղանստան և բանակցություններ վարել «Թալիբան» շարժման ներկայացուցիչների հետ, գրում է ՏԱՍՍ-ը:

«Ամբողջ տարածաշրջանի ապակայունացման սպառնալիքն իրական է: Այն չի ծառայում որևէ մեկի շահերին` ո՛չ հարևան երկրների, ո՛չ ընդհանուր առմամբ միջազգային հանրության: Անհրաժեշտ է, որ մենք ձեռնարկենք արտակարգ միջոցներ, թեկուզ դրանք կրեն ժամանակավոր բնույթ՝ մշտական ​​և լայնածավալ մարդասիրական օգնություն տրամադրելու և տնտեսական ու ֆինանսական համակարգերի վերակառուցման համար»,- ասել է նա ՝ ելույթ ունենալով Ժնևում Աֆղանստանին տնտեսական օգնություն ցուցաբերելուն նվիրված համաժողովում:

«Ես նոր եմ վերադարձել Աֆղանստանից, որտեղ հանդիպել եմ Թալիբանի ղեկավարության հետ և այցելել եմ ԿԽՄԿ մարդասիրական առաքելությանը, որը հիմնականում շարունակում է աշխատել առանց ընդհատումների: Ամբողջ երկրում կարիքների մասշտաբն ակնհայտ է … Առաջնային առողջապահությունը կանգնած է փլուզման եզրին , ջրամատակարարումը չի աշխատում, սննդամթերքի գները չափազանց բարձր են»,- ասել է Մաուրերը:

Տաթև Ֆռանգյան