14.02.2026 | 13:20
ՀՀ ԱԳ փոխնախարար Վահան Կոստանյանը հանդիպել է Հայաստանի ու Ադրբեջանի քաղհասարակության ներկայացուցիչների հետ
Եգիպտոսում բնակելի շենքի փլուզման հետևանքով 4 մարդ է զոհվել
Քաղաքականություն
09.09.2021 | 16:48
Եգիպտոսի մայրաքաղաք Կահիրեում բնակելի շենքի փլուզման հետևանքով 4 մարդ է զոհվել։ Շենքի մնացյալ բնակիչներին հասցրել են տարհանել։ Այս մասին գրում է korrespondent-ը՝ հղում կատարելով Al Youm As Sabi-ին։
4 հարկանի շենքի փլուզվել է Շուբրա-էլ-Հեյմա շրջանում։ Բնակիչները շտապել են լքել շինությունը, երբ երեկոյան ժամը 19-ի սահմաններում շենքի ճակատային մասում սկսել են ճաքեր առաջանալ:
Վերջին հարկում գործող իրավաբանական գրասենյակի սեփականատերն ու աշխատակիցները մնացել են շենքի ներսում։ Անհայտ պատճառներով նրանք չեն լքել շենքը, արդյունքում մահացել են: Երկու անձի կարողացել են ողջ դուրս բերել փլատակների տակից, սակայն ստացված վնասվածքներից նրանք հիվանդանոցի ճանապարհին մահացել են։
Առայժմ հայտնի չէ, թե ինչ պատճառով է տեղի ունեցել փլուզումը։
Հիշեցնենք՝ այս տարվա մարտին էլ Կահիրեի շրջաններից մեկում բազմահարկ շենք էր փլուզվել, ինչի հետևանքով 25 մարդ էր զոհվել: Ավելի ուշ պարզվեց, որ սեփականատերերից մեկն ապօրինի կերպով մի քանի հարկ է ավելացրել շենքին, իսկ ողբերգությունից մի քանի օր առաջ՝ վերանորոգում սկսել տարածքներից մեկում։
Տաթև Ֆռանգյան
