19.05.2026 | 20:12
Ներդրվում է 4 միլիարդ դոլար․ Սևակ Միքայելյանը հայտնել է AI գործարանի ծրագրի երկրորդ փուլի հաստատման մասին
Վիեննայում Ալեն Սիմոնյանը հանդիպել է Սերբիայի ԱԺ նախագահ Իվիցա Դաչիչի հետ
Քաղաքականություն
09.09.2021 | 15:02
Վիեննայում ընթացող Խորհրդարանների նախագահների 5-րդ համաշխարհային համաժողովի շրջանակում սեպտեմբերի 9-ին հանդիպեցի Սերբիայի Հանրապետության Ազգային ժողովի նախագահ Իվիցա Դաչիչի հետ. ֆեյսբուքի իր էջում գրել է ՀՀ ԱԺ նախագահ Ալեն Սիմոնյանը:
Հայաստանը մեծ կարևորություն է տալիս Սերբիայի հետ միջխորհրդարանական համագործակցությանը:
ԱԺ-ում Հայաստան-Սերբիա բարեկամական խմբի վերաձեւավորումից հետո համագործակցությունն ու ակտիվ շփումները կշարունակվեն՝ նպաստելով երկկողմ հարաբերությունների դինամիկ զարգացմանը: Գործընկերոջս ասացի, որ ողջունում եմ Հայաստանում Սերբիայի դեսպանություն բացելու որոշումը, ինչը նոր խթան կլինի հայ-սերբական հարաբերությունների զարգացման և հետագա համագործակցության համար:
Ինչպես մյուս գործընկերներիս հետ հանդիպմանն, այս անգամ ևս մանրամասն անդրադարձա հայ-ադրբեջանական սահմանին ստեղծված իրավիճակին։ Սերբիայի ԱԺ նախագահ Իվիցա Դաչիչը վերահաստատեց իր երկրի պատրաստակամությունը՝ բոլոր ասպարեզներում խորացնելու եղբայրական Հայաստանի հետ համագործակցությունը, այդ թվում՝ խորհրդարանների միջև գործընկերային կապերը ամրապնդելու միջոցով: Նա շեշտեց, որ ԼՂ հակամարտության խաղաղ կարգավորումը այլընտրանք չունի: Հանդիպման ավարտին վերահաստատեցի Հայաստանի Հանրապետություն պաշտոնական այց կատարելու՝ Սերբիայի խորհրդարանի նախագահ Իվիցա Դաչիչին ուղղված հրավերը:
