20.12.2025 | 10:55
Արտարժույթների փոխարժեքները՝ դեկտեմբերի 20-ի դրությամբ
Էրդողանը հայտարարել է «Թալիբան»-ի հետ փոխգործակցության անհրաժեշտության մասին
Քաղաքականություն
09.09.2021 | 15:06
Թուրքիայի նախագահ Ռեջեփ Թայիփ Էրդողանը Իտալիայի վարչապետ հետ հեռախոսազրույցում քննարկել է Աֆղանստանում ստեղծված իրավիճակն ու հայտարարել «Թալիբան»-ի հետ փոխգործակցության անհրաժեշտության մասին, որպեսզի թույլ չտրվի ներգաղթյալների հոսքի ավելացում։ Այս մասին հայտնել են Թուրքիայի ղեկավարի վարչակազմից, գրում է «Անադոլու» գործակալությունը։
Նշվում է, որ նախագահ Էրդողանը հայտարարել է, թե անհրաժեշտ է շարունակել համագործակցությունը «Թալիբան» շարժման հետ՝ Աֆղանստանին մարդասիրական օգնության մատակարարումն ապահովելու համար, հակառակ դեպքում՝ պետք է ակնկալել միգրացիոն ճնշման աճ։
Հաղորդագրության համաձայն՝ կողմերը քննարկել են նաև Լիբիայում ստեղծված իրավիճակը։
Էրդողանն ընդգծել է, որ Թուրքիան հանդես է գալիս Լիբիայում հայտարարված ընտրությունները նախատեսված ժամկետներում անցկացնելու օգտին։ Նա հավելել է, որ թուրք զինվորականներն ուսուցանում են Լիբիայի անվտանգության ուժերին լիբիական կողմի պաշտոնական խնդրանքի հիման վրա։
Տաթև Ֆռանգյան
