07.11.2024 | 22:35
Փաշինյանը հանդիպում է ունեցել Մակրոնի հետ
Սիրիական բանակը վերահսկողություն է հաստատել Դերա էլ-Բալադ քաղաքի վրա
Քաղաքականություն
08.09.2021 | 19:06
Սիրիական բանակի ստորաբաժանումները չորեքշաբթի երկրի հարավում ներխուժել են Դերա էլ-Բալադ քաղաք, որը գտնվում էր զինված ընդդիմության կողմնակիցների ձեռքում: Սիրիացի զինվորականներն ու անվտանգության աշխատակիցները ազգային դրոշներ են տեղադրել քաղաքապետարանի և պետական այլ շենքերի վրա, հաղորդում է SANA գործակալությունը:
Նրանք անցակետեր են տեղակայել բոլոր հիմնական խաչմերուկներում։ Մնացած հնարավոր ահաբեկիչներից թաղամասերը մաքրելուց հետո Դերա-էլ-Բալադը կհայտարարվի անվտանգ, քաղաք կկարողանան վերադառնալ այն լքած բնակիչները։
Ավելի վաղ ընդդիմադիր խմբերի 560 անդամներ հանձնվել էին Սիրիայի իշխանություններին և համաձայնել կարգավորել իրենց քաղաքացիական կարգավիճակը: Պարտադիր զինվորական ծառայությունից խուսափած մի քանի տասնյակ դասալիքներ նույնպես օգտվել են կառավարության համաներումից:
Տաթև Ֆռանգյան
