07.11.2024 | 22:50
Ահաբեկչության մեղադրանքով 5 տարվա ազատազրկման դատապարտված դպրոցականի պատժաչափը կրճատել են 24 օրով
Դերասան Ժան-Պոլ Բելմոնդոյին համազգային հարգանքի տուրք կմատուցվի սեպտեմբերի 9-ին
Քաղաքականություն
08.09.2021 | 16:05
Ֆրանսիական կինոյի լեգենդ Ժան-Պոլ Բելմոնդոյին համազգային հարգանքի տուրք կմատուցվի հինգշաբթի՝ սեպտեմբերի 9-ին: Այս մասին հայտարարել է Ֆրանսիայի նախագահի վարչակազմը, հաղորդում է RFI-ն:
Ժան-Պոլ Բելմոնդոն, հիշեցնենք, մահացել է սեպտեմբերի 6-ին, 88 տարեկանում:
Նախագահ Էմանուել Մակրոնը մեծ դերասանին անվանել է «համազգային գանձ»՝ արձագանքելով Բելմոնդոյի կյանքից հեռանալու մասին լուրերին:
«Մենք բոլորս նրա մեջ մեզ ենք տեսնում»,- ասել է Մակրոնը:
Սեպտեմբերի 9-ին Բելմոնդոյին հանդիսավոր հրաժեշտ կտրվի Փարիզի Հաշմանդամների տանը, որը դարձել է ոչ միայն ռազմական արարողությունների, այլև Ֆրանսիայի նշանավոր մարդկանց մեծարման վայր: Երկու տարի առաջ՝ սեպտեմբերին, այստեղ տեղի ունեցավ Ֆրանսիայի նախկին նախագահ Ժակ Շիրակի հրաժեշտի արարողությունը, իսկ 2018 թվականի հոկտեմբերի սկզբին վերջին համազգային հարգանքի տուրքը մատուցվեց աշխարհահռչակ շանսոնյե Շառլ Ազնավուրին:
Տաթև Ֆռանգյան
