07.11.2024 | 22:35
Փաշինյանը հանդիպում է ունեցել Մակրոնի հետ
Թալիբները ձերբակալել են Քաբուլում բողոքի ցույցերը լուսաբանող օպերատորին
Քաղաքականություն
07.09.2021 | 19:23
Թալիբները ձերբակալել են Tolo News հեռուստաալիքի օպերատորին, որը լուսաբանել է Քաբուլում հակապակիստանյան բողոքի ցույցերը, և նրանից խլել տեսախցիկը։ «ՌԻԱ Նովոստիի» հաղորդմամբ՝ այս մասին հայտնում է աֆղանական հեռուստաալիքը, որտեղ աշխատում է ձերբակալվածը:
««Թալիբան»-ը թույլ չտվեց որոշ լրագրողների նկարահանել այսօրվա բողոքի ցույցը: Նրանք նաև բերման են ենթարկել Tolo News-ի օպերատորին և առգրավել նրա տեսախցիկը»,- ասվում է հեռուստաալիքի Twitter-յան էջում արված գրառման մեջ:
Երեքշաբթի աֆղանները Քաբուլում բողոքի ակցիա են իրականացրել Պակիստանի հետախուզության ղեկավար Ֆաիզ Համիդի՝ «Թալիբան» շարժման հրավերով մայրաքաղաք կատարած այցից հետո: Բողոքի ցույցը սկսվել է Քաբուլից հյուսիս և շարունակվել Պակիստանի դեսպանատան մոտ:
Հավելենք, որ ավելի վաղ նաև հայտնի էր դարձել, որ թալիբները կրակ են բացել ցույցի մասնակիցների ուղղությամբ: Տեսանյութ է հրապարակել, թե ինչպես են գրոհայինները ցրում ցուցարարներին:
Տաթև Ֆռանգյան
