30.07.2026 | 22:43
Հունաստանում անտառային հրդեհները շարունակում են տարածվել․ Կրետեում դրանք տարհանման և հրշեջների մահվան պատճառ են դարձել
Վիետնամում 28-ամյա տղամարդուն ազատազրկման են դատապարտել՝ կորոնավիրուսի տարածման համար․ The Guardian
Քաղաքականություն
07.09.2021 | 23:04
Վիետնամում դատարանը 28-ամյա տեղաբնակին դատապարտել է 5 տարվա ազատազրկման՝ կարանտինային խիստ կանոնները խախտելու և կորոնավիրուսի տարածման համար: Այս մասին հայտնում է The Guardian-ը՝ վկայակոչելով Վիետնամի պետական լրատվական գործակալությանը:
Տղամարդը դատապարտվել է «վտանգավոր վարակիչ հիվանդությունների տարածման» համար:
Հաղորդվում է, որ նա Հո Շի Մին քաղաքից վերադարձել է Կամաու նահանգ և խախտել 21-օրյա կարանտինային ռեժիմի կանոնները: Նա վարակել է ութ մարդու, որոնցից մեկը մահացել է վիրուսից մեկ ամիս բուժումից հետո:
Պարբերականը նշում է, որ Վիետնամում ևս երկու անձ նույն մեղադրանքով դատապարտվել է 18 ամսվա և 2 տարվա պայմանական ազատազրկման:
Վիետնամն այժմ պայքարում է COVID-19-ի նոր ալիքի դեմ։ Երկրում ավելի քան 536,000 մարդ վարակվել է կորոնավիրուսով, 13,385 մարդ մահացել է, նրանցից շատերը՝ վերջին մի քանի ամիսների ընթացքում:
Տաթև Ֆռանգյան
