27.11.2024 | 15:36
Թուրքիան ամրապնդում է իր դերը որպես գլոբալ քաղաքականության դերակատար. Էրդողանը ողջունել է Լիբանանում հրադադարը
Թալիբները կարող են Բագրամի և Քանդահարի ավիաբազաները փոխանցել Չինաստանին և Պակիստանին
Քաղաքականություն
06.09.2021 | 17:57
«Թալիբան» շարժումը կարող է Չինաստանին փոխանցել Բագրամի ավիաբազան, ինչպես նաև թույլ տալ Պակիստանին Քանդահարում իր օդանավակայանն օգտագործել օպերատիվ նպատակների համար։ Հնդկական Pioneer պարբերարականը, վկայակոչելով իր աղբյուրներին, գրում է, որ դա լուրջ հետևանքներ կունենա Հնդկաստանի համար:
«Աֆղանական Բագրամ ավիաբազայի օգտագործումը լրացուցիչ հնարավորություն կտա Չինաստանին զսպել Հնդկաստանի գործողությունները տարածաշրջանում և կապահովի Պեկինի ստեղծած Չինաստան-Պակիստան տնտեսական միջանցքի (CPEC) անվտանգությունը»,- ասել են աղբյուրները:
«Քանդահարի ավիաբազային հասանելիություն ստանալով՝ Պակիստանը Քաշմիրի շրջանում առավելություն է ստանում Հնդկաստանի հանդեպ և կարող է բարելավել տարածաշրջանում իր օբյեկտների պաշտպանությունը հնդկա-պակիստանյան ռազմական հակամարտության առաջացման դեպքում»,- հայտարարել են նրանք։
Պարբերականի աղբյուրները հիշեցրել են, որ ներկայում Պակիստանի ռազմաօդային ուժերը վերահսկում են Աֆղանստանում բոլոր ավիաբազաները, այդ թվում՝ Քանդահարի, Բագրամի և Քաբուլի օդանավակայանները, իսկ Չինաստանի պատվիրակությունը հանդիպումներ է անցկացրել «Թալիբան»-ի գերագույն հրամանատարության հետ՝ քննարկելով անվտանգության հետ կապված հարցեր, այդ թվում՝ Բագրամի ավիաբազայի հնարավոր օգտագործման վերաբերյալ։
Տաթև Ֆռանգյան
