27.11.2024 | 15:36
Թուրքիան ամրապնդում է իր դերը որպես գլոբալ քաղաքականության դերակատար. Էրդողանը ողջունել է Լիբանանում հրադադարը
ՌԴ-ում «Իսլամական պետության» 4 կողմնակից է ձերբակալվել
Քաղաքականություն
06.09.2021 | 13:12
Ռուսաստանի ԱԴԾ-ն ձերբակալել է «Իսլամական պետություն» (ԻՊ) ահաբեկչական խմբավորման չորս կողմնակիցների, որոնք հարձակումներ էին նախապատրաստում Ինգուշեթիայի ոստիկանների վրա, հայտնում է ծառայության հասարակայնության հետ կապերի կենտրոնը, գրում է «ՌԻԱ Նովոստին»:
Նշվում է, որ նրանք համացանցի միջոցով կապ են հաստատել կազմակերպության այլ անդամների հետ և ահաբեկչություններ ծրագրել ինքնաշեն պայթուցիկ սարքերի և սառը զենքի միջոցով:
Ձերբակալվածների բնակության վայրերից առգրավվել են հրազեն և սառը զենք, ինքնաշեն պայթուցիկ և հրկիզող սարքավորումներ, ինչպես նաև դրանց պատրաստման համար նախատեսված բաղադրիչներ և գործիքներ: Բացի այդ, ԻՊ-ի անդամների հետ նամակագրություն է հայտնաբերվել նրանց հաղորդագրություններում, որոնք հաստատում են նրանց հանցավոր մտադրությունները:
Ձերբակալվածների դեմ քրեական գործ է հարուցվել 205.5 հոդվածի 2-րդ մասի («Ահաբեկչական կազմակերպության գործունեությանը մասնակցություն»), 33-րդ մասի 5-րդ կետի, 205.5 հոդվածի 2-րդ մասի («Ահաբեկչական կազմակերպության գործունեության օժանդակում ) և 205.6 հոդվածի («Հանցագործության մասին չհայտնելը») հատկանիշներով:
Տաթև Ֆռանգյան
