16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ՀՀ պահանջով ձերբակալվել է ԵԱՀԿ-ում Հյուսիսային Մակեդոնիայի առաքելության փոխղեկավարը
Քաղաքականություն
04.09.2021 | 11:13
Սերբիայի իրավապահ մարմինները, ՀՀ իշխանությունների պահանջով, ձերբակալել են ԵԱՀԿ-ում Հյուսիսային Մակեդոնիայի առաքելության ղեկավարի տեղակալ Միլա Միլենկովսկուն: Այդ մասին ուրբաթ օրը հայտարարել է հյուսիսամակեդոնական Alsat-M. հեռուստաալիքը. հաղորդում է ՏԱՍՍ-ը:
Ձերբակալությունը տեղի է ունեցել օգոստոսի 27 -ին ՝ Միլենկովսկու «Պրեսևո» սահմանակետը հատելիս ՝ Հյուսիսային Մակեդոնիայի տարածք մուտք գործելու համար:
Հեռուստաալիքի փոխանցմամբ ՝ Սերբիայի իրավասու մարմինները գործել են հետաքննություն իրականացնող հայկական կողմի խնդրանքին համապատասխան: Միեւնույն ժամանակ, դիվանագետը երկրի ազգային հակահետախուզության նախկին ղեկավար Սաշո Միալկովի ազգականն է, ով այժմ ազատազրկման է դատապարտված պաշտոնեական դիրքի չարաշահման համար:
Ըստ Հայաստանի իրավապահ մարմինների ՝ 2018 թվականին Հյուսիսային Մակեդոնիայի երեք դիվանագետներ ՝ Միլենկովսկու գլխավորությամբ, Հայաստանից հեռացրել են երկրի նախկին կառավարության ներկայացուցչին, ով մեղադրվում է խոշոր չափի հափշտակության մեջ:
