20.05.2026 | 15:31
ՄԻՊ-ը կոչ է անում բացառել խտրական և ատելություն տարածող խոսույթը քարոզարշավում
Իսրայելը նոր հակառեկորդ է գրանցում․ մեկ օրում կորոնավիրուսային վարակի 11․077 նոր դեպք է հայտնաբերվել
Քաղաքականություն
01.09.2021 | 13:33
Իսրայելի Առողջապահության նախարարությունը հայտնել է, որ վերջին մեկ օրում երկրում առաջին անգամ հայտնաբերվել է կորոնավիրուսային վարակի 11․077 նոր դեպք: Սա երկրի համար ռեկորդային աճ է համաճարակի սկզբից ի վեր, գրում է The Times of Israel-ը:
716 հիվանդ ծանր վիճակում հիվանդանոցներում է, ինչը համեմատաբար կայուն ցուցանիշ է: Նրանցից 159-ը միացված է արհեստական շնչառության սարքերին: Առողջապահության նախարարությունը մտավախություն ունի, որ ուսումնական տարվա սկիզբը կարող է նոր դեպքերի աճի պատճառ դառնալ:
Հիշեցնենք, որ 2021 թվականի սկզբին՝ համընդհանուր պատվաստումից հետո, Իսրայելը հայտարարեց համաճարակի դեմ հաղթանակի մասին և չեղարկեց պարտադիր դիմակ կրելու ռեժիմը:
Տաթև Ֆռանգյան
