14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
«Թալիբանը» մտադիր է ոչնչացնել Փանջշիրում գործող դիմադրության ճակատի առաջնորդ Ահմադ Մասուդին
Քաղաքականություն
01.09.2021 | 12:21
«Թալիբանը» մտադիր է ոչնչացնել Փանջշիրում գործող դիմադրության ճակատի առաջնորդ Ահմադ Մասուդին, ՌԻԱ Նովոստիին տված հարցազրույցում ասել է Տաջիկստանում Աֆղանստանի դեսպան Մուհամմադ Զոհիր Ագբարը:
«Թալիբանը երբեք չի բանակցի Փանջշիրի դիմադրության առաջնորդների հետ։ Նրանք ոչ թե քաղաքական գործիչներ են, այլ ահաբեկիչներ, որոնք դեռ երեք տարի առաջ աշխարհի շատ երկրներում արգելված կազմակերպությունների ցուցակում էին», – ասել է դիվանագետը:
Ագբարը կարծիք է հայտնել, որ թալիբների նպատակն է «ամբողջ Աֆղանստանը ծնկի բերելը» և «ոչնչացնել դիմադրության առաջնորդներին, հատկապես Ահմադ Մասուդին»: Նա միաժամանակ նշել է, որ թալիբները պատրաստ չեն բանակցել հակառակ կողմի հետ:
Օգոստոսին Թալիբանի գրոհայինները գրավել են Աֆղանստանի գրեթե ամբողջ տարածքը: Նրանց վերահսկողության տակ չմտնող միակ նահանգը Փանջշիրն է: Աֆղանստանի դիմադրության ճակատի առաջնորդը, Հյուսիսային դաշինքի հանգուցյալ ղեկավար Ահմադ Շահ Մասուդի որդին՝ Ահմադ Մասուդը, հայտարարել է, որ թալիբների դեմ պայքարը կավարտվի, եթե նրանք ստեղծեն ներառական կառավարություն և ապահովեն քաղաքացիական իրավունքների հարգումը:
Միևնույն ժամանակ, ըստ ՌԻԱ Նովոստի-ի աղբյուրի, Աֆղանստանի նոր կառավարության ձևավորման շուրջ խորհրդակցություններն ավարտվել են, իսկ «Թալիբան» -ի ներկայացուցիչները զբաղեցրել են բոլոր առանցքային պաշտոնները։
Տաթև Ֆռանգյան
