19.11.2024 | 10:46
«Իմ քվեարկությունը չեղավ», «Դա հիմք է ստեղծելու Ձեզ հետագայում հեռացնել»․ Ավինյանը կատակեց․ ՏԵՍԱՆՅՈՒԹ
Արմեն Սարգսյանը շնորհավորել է Էստոնիայի նորընտիր նախագահ Ալար Կարիսին
Քաղաքականություն
31.08.2021 | 21:06
Հանրապետության նախագահ Արմեն Սարգսյանը շնորհավորական ուղերձ է հղել Էստոնիայի Հանրապետության նորընտիր նախագահ Ալար Կարիսին: Այս մասին հայտնում է նախագահի մամուլի ծառայությունը։
Ուղերձում մասնավորապես ասված է.
«Համոզված եմ, որ Ձեր գործունեությունը՝ որպես պետության նախագահ, ավելի կամրապնդի Հայաստանի և Էստոնիայի միջև գործընկերական հարաբերությունները՝ ի շահ մեր երկրների ու ժողովուրդների:
Հայաստանը մեծապես կարևորում է Էստոնիայի հետ բարեկամական հարաբերությունների և ձևավորված կառուցողական երկխոսության շարունակական ամրապնդումը և լիահույս եմ, որ համատեղ ջանքերի շնորհիվ հայ-էստոնական ջերմ հարաբերությունները կշարունակեն զարգանալ և ամրապնդվել թե՛ երկկողմ, թե՛ բազմակողմ հարթություններում»:
Ավելի վաղ հայտնել էինք, որ էստոնացի պատգամավորները երկրի ազգային թանգարանի տնօրեն Ալար Կարիսին ընտրել են երկրի նախագահի պաշտոնում։ 2-րդ փուլում Կարիսը նախագահության միակ թեկնածուն է եղել, նրա օգտին է քվեարկել 80 պատգամավորից 72-ը (8 քվեաթերթիկ լրացված չի եղել)։ Ընտրվելու համար բավարար է եղել 68 ձայնը։
