15.11.2026 | 15:23
ՀՀ ԱԳՆ-ն շնորհավորել է Պաղեստինին Անկախության օրվա առթիվ․ արձագանքել է նաև Իրանի դեսպանությունը
ԵՄ մեծահասակների 70%-ն արդեն ստացել է COVID-19-ի դեմ լիակատար պատվաստում
Քաղաքականություն
31.08.2021 | 23:29
Եվրոպական հանձնաժողովի տվյալների համաձայն՝ ԵՄ մեծահասակների 70%-ը ստացել է COVID-19-ի դեմ լիակատար պատվաստում։ Ավելի քան 258 միլիոն եվրոպացի ստացել է կորոնավիրուսից հնարավոր առավելագույն պաշտպանություն, գրում է DW-ի ռուսական ծառայությունը։
Եվրահանձնաժողովի նախագահ Ուրսուլա ֆոն դեր Լայենն ընդգծել է չպատվաստված եվրոպացիների և աշխարհի մնացած երկրների քաղաքացիներին հնարավորինս շուտ պատվաստվելու անհրաժեշտությունը:
«Այս հարցում մենք կշարունակենք աջակցել մեր գործընկերներին», – վստահեցրել է նա՝ հիշեցնելով, որ համաճարակը դեռ չի ավարտվել:
Ֆոն դեր Լայենը նաև ասել է, որ 2020 թվականի դեկտեմբերից Եվրամիությունը կորոնավիրուսի դեմ պատվաստանյութի 700 միլիոն դեղաչափ է արտահանել 130 երկիր:
Ֆոն դեր Լայենը նաև ասել է, որ 2020 թվականի դեկտեմբերից Եվրամիությունը կորոնավիրուսի դեմ պատվաստանյութի 700 միլիոն դեղաչափ է արտահանել 130 երկիր: Բացի այդ, ԵՄ-ն COVAX նախաձեռնության խոշորագույն դոնորներից մեկն է:
«Մենք կհաղթահարենք համաճարակը միայն այն դեպքում, երբ այն հաղթենք աշխարհի յուրաքանչյուր անկյունում»,-շեշտել է Եվրահանձնաժողովի ղեկավարը:
