27.11.2024 | 18:36
Լոնդոնում 6 մարդ է կալանավորվել քրդական PKK-ի հետ կապերի կասկածանքով
Ղազախստանի ՊՆ ղեկավարը հրաժարական է տվել զինամթերքի պահեստում պայթյուններից հետո
Քաղաքականություն
31.08.2021 | 15:10
Ղազախստանի նախագահ Կասիմ-Ժոմարտ Տոկաևն ընդունել է պաշտպանության նախարար Նուրլան Երմեկբաևի հրաժարականը: Այդ մասին հայտնել է պետության ղեկավարի մամուլի քարտուղար Բերիա Ուալին, գրում է Ինտերֆաքսը:
«Նախագահ Կասիմ-Ժոմարտ Տոկաևը, հաշվի առնելով պաշտպանության նախարար Նուրլան Երմեքբաևի հրաժարականի խնդրանքով դիմումը, ընդունել է այն»,- գրել է Ուալին իր ֆեյսբուքյան էջում:
Երմեկբաևը հրաժարական է տվել Ղազախստանի հարավում գտնվող զորամասի պահեստում տեղի ունեցած պայթյուններից հետո:
Հիշեցնենք՝ օգոստոսի 26-ի երեկոյան հրդեհ էր բռնկվել Ղազախստանի Բայզակ շրջանում տեղակայված թիվ 28349 զորամասի ինժեներական զինամթերքի պահեստում, ինչի հետևանքով մի քանի պայթյուններ էին որոտացել։ Հրդեհի մակերեսը կազմել է գրեթե 700 քմ:
Պայթյունների և հրդեհների հետևանքների վերացման ընթացքում, ըստ վերջին տվյալների, զոհվել է 15 մարդ, մոտ հարյուրը՝ վիրավորվել:
Տաթև Ֆռանգյան
