02.04.2026 | 16:16
Օվերչուկը հայտարարել է, որ Հայաստանը կարող է բախվել էներգադեֆիցիտի, եթե չլուծի նոր ԱԷԿ-ի հարցը
ՆԱՏՕ-ի պաշտոնյան հայտարարել է, որ Քաբուլը կարող է թալիբների ու ԻՊ-ի միջև մարտադաշտի վերածվել
27.08.2021 | 13:45
Քաբուլը կարող է վերածվել մարտի դաշտի «Իսլամական պետություն» ահաբեկչական խմբավորման և «Թալիբան» շարժման միջև, որն Աֆղանստանը վերցրել է իր վերահսկողության տակ։ Messaggero թերթին տված հարցազրույցում նման մտահոգություն է հայտնել ՆԱՏՕ-ի ներկայացուցիչ, Պակիստանում Իտալիայի նախկին դեսպան Ստեֆանո Պոնտեկորվոն, որը համակարգում է Աֆղանստանից մարդկանց տարհանման քաղաքացիական գործողությունները, գրում է ՏԱՍՍ գործակալությունը։
Նրա կարծիքով՝ Քաբուլի օդանավակայանի ահաբեկչությունները դեռևս էպիզոդիկ բնույթ են կրում։
«Առաջիկայում Քաբուլը կարող է դառնալ մարտադաշտ ԻԼԻՊ-ի և թալիբների միջև»,- ասել է դիվանագետը։
Նա նաև նշել է, որ ներկա փուլում թալիբներն ի վիճակի չեն կանգնեցնել ԻՊ-ին՝ կառավարման որևէ համակարգի բացակայության պատճառով։
«Թալիբերը ցանկանում են վերականգնել այն, բայց ժամանակ կպահանջվի։ Բացի այդ, նրանք չունեն տարածքի ամբողջական ու բացարձակ վերահսկողություն, ինչպես նաև բավարար թվով մարդուժ»,- ասել է իտալացի դիվանագետը։
Էմմա Չոբանյան
