Քաղաքականություն
27.08.2021 | 13:07
Թուրքիայի նախագահ Ռեջեփ Թայիփ Էրդողանը Մուշում Մանազկերտի ճակատամարտի հաղթանակի 950-ամյակին նվիրված միջոցառման ժամանակ հայտարարել է, որ ունենալով Արևելքի ու Արևմուտքի արժեքները միավորող հսկայական մշակութային ու պատմական ժառանգություն՝ ժամանակակից Թուրքիան գտնվում է բարգավաճման ու բուռն զարգացման փուլում։ Այս մասին գրում է «Անադոլու» գործակալությունը։
Էրդողանի խոսքով՝ գլոբալ կայունության ու վստահության մթնոլորտի պահպանման դեպքում Թուրքիան կարող է առավելագույն օգուտ քաղել համաշխարահային ասպարեզում քաղաքական ու տնտեսական փոփոխություններից։
«Ելնելով ժողովրդի բազմադարյա ժառանգությունից ու հիմնվելով երիտասարդ սերնդի քաղաքացիների աջակցության վրա, մենք լի ենք վճռականությամբ՝ նոր թռիչք կատարել զարգացման մեջ»,- ասել է Թուրքիայի նախագահը։
Էմմա Չոբանյան
