16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Քաբուլի օդանավակայանում կրակել են լրագրողների տարհանող իտալական օդանավի վրա
Քաղաքականություն
26.08.2021 | 18:29
Իտալական C-130J ռազմական ինքնաթիռը, որը Քաբուլի օդանավակայանից տարհանել է լրագրողների և քաղաքացիական անձանց, թռիչքի ժամանակ հարձակման է ենթարկվել։ Այս մասին հայտնում է ՏԱՍՍ-ը՝ վկայակոչելով ANSA գործակալությունը։
Նշվում է, որ միջադեպի հետևանքով տուժածներ չկան։
La Stampa պարբերականն էլ պարզաբանել է, որ ինքնաթիռում եղել են լրագրողներ և 98 աֆղան քաղաքացիական անձինք։ Հենց ինքնաթիռում գտնված լրագրողներն էլ հայտնել են կրակոցների մասին տեղեկությունը։
Ավելի ուշ Rai News 24 հեռուստաալիքը, հղում անելով Իտալիայի հատուկ ծառայություններում սեփական աղբյուրներին, հայտնել է, որ Քաբուլի օդանավակայանում կրակոցներն ուղղված չեն եղել Իտալիայի ռազմական ինքնաթիռին, որը Աֆղանստանից քաղաքացիական անձանց է տարհանել։
Տաթև Ֆռանգյան
