19.11.2024 | 14:40
Ավինյանը հայտարարեց. պատրաստ է բանավիճել Հայկ Մարությանի հետ ցանկացած ֆորմատով, ժամի ու վայրում․ ՏԵՍԱՆՅՈՒԹ
ՀՖՖ-ն կանցկացնի սիրողական ֆուտբոլի Հայաստանի առաջնություն
25.08.2021 | 20:09
Հայաստանի ֆուտբոլի ֆեդերացիայի նախաձեռնությամբ 2021թ. հոկտեմբերին կմեկնարկի սիրողական ֆուտբոլի Հայաստանի առաջնությունը։ Այն կանցկացվի 2021թ. հոկտեմբերից 2022թ. մայիս ընկած ժամանակահատվածում։ Առաջնությանը կարող են մասնակցել ՀՖՖ-ում գրանցված սիրողական ակումբները, hաղորդում է ՀՖՖ մամուլի ծառայությունը:
Սիրողական ֆուտբոլի առաջնությանը կարող են մասնակցել առավելագույնը 10 թիմեր: Մասնակից թիմերի քանակը կարող է փոփոխվել մրցաշրջանից առաջ՝ ՀՖՖ Մրցումների կազմակերպման և անցկացման բաժնի որոշմամբ:
Առաջնության մասնակցության մուտքավճարը 500 000 ՀՀ դրամ է:
Սիրողական ֆուտբոլի առաջնության բոլոր խաղերը կկայանան ՀՖՖ Տեխնիկական կենտրոն/Ֆուտբոլի ակադեմիայում: Խաղերը կանցկացվեն «Ֆուտբոլ» խաղի կանոններին համապատասխան՝ 11 vs 11 ձևաչափով: Հայտերի ընդունման վերջնաժամկետն է 2021 թ. սեպտեմբերի 20-ը:
