09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
«Թալիբանը» հայտարարել է, որ Աֆղանստանում թուրքական զորքերի կարիքը չկա
Քաղաքականություն
25.08.2021 | 17:50
«Թալիբանի» խոսնակ Զաբիհուլլահ Մուջահիդը հայտարարել է, որ իրենք օգոստոսի 31-ից հետո կստանձնեն Քաբուլի օդանավակայանի անվտանգությունը, դրա համար էլ կարիք չկա այնտեղ թուրքական զորքերի պլանավորված տեղակայման։
«Աֆղանստանում թուրքական զորքերի կարիք չկա, մենք ունակ ենք ինքներս պաշտպանել Քաբուլի օդանավակայանը։ Մենք լավ հարաբերություններ ենք ցանկանում Թուրքիայի հետ, բայց չենք ցանկանում նրանց զինվորները գտնվեն Աֆղանստանում»,- ասել է Մուջահիդը նախօրեին կայացած մամուլի ասուլիսում։
Նա նաև նշել է, որ չեն ընդունում ժամկետի որևէ երկարաձգում, որը սահմանել է ԱՄՆ վարչակազմը ամերիկյան զորքերի դուրսբերման համար։
«Մենք ժամկետը չենք երկարաձգի։ Նրանք կարող են իրենց պատկանող բոլոր մարդկանց տանել։ Մենք չենք պատրաստվում թողնել աֆղաններին լքել երկիրը»,- ասել է Մուջահիդը։
«Թալիբանի» ներկայացուցիչն ասել է, որ կյանքը երկրում կարգավորվում է, սակայն օդանավակայանում քաոսը դեռ խնդիր է։
Էմմա Չոբանյան
