30.07.2026 | 22:43
Հունաստանում անտառային հրդեհները շարունակում են տարածվել․ Կրետեում դրանք տարհանման և հրշեջների մահվան պատճառ են դարձել
ԵՄ-ն սառեցրել է դրամական օգնությունն Աֆղանստանին
Քաղաքականություն
24.08.2021 | 23:30
Եվրամիության տնտեսական օգնությունն Աֆղանստանին սառեցված է, քանի դեռ Թալիբանը ցույց չի տվել իր մտադրությունները։ Այս մասին հայտարարել է Եվրահանձնաժողովի նախագահ Ուրսուլա ֆոն դեր Լայենը G7-ի առցանց նիստի ժամանակ, գրում է Ռիա Նովոստին։
Մեծ յոթնյակի հրատապ գագաթնաժողովը կազմակերպվել էր Մեծ Բրիտանիայի խնդրանքով այսօր՝ երեքշաբթի օրը, և նվիրված էր Աֆղանստանին։
«Տնտեսական աջակցությունն Աֆղանստանին այս պահին կասեցված է և կմնա արգելափակված, մինչև «Թալիբան»-ը ցույց տա իր իրական մտադրոթյունները»,-ասել է Եվրահանձնաժողովի նախագահը։
Ֆոն դեր Լայենը նաև հավելել է, որ նախատեսվում էր 1 մլրդ եվրո փոխանցել Աֆղանստանին առաջիկա 7 տարում՝ այդ երկրում մարդու իրավունքների պահպանմանն աջակցելու համար, սակայն գումարը կսառեցվի այնքան ժամանակ, քանի դեռ թալիբները երաշխիք չեն տվել, որ կպահպանեն բոլոր պայմանները։
