29.06.2026 | 18:47
Կայա Կալլասը Կովկասի զարգացումների համատեքստում խոսել է Թուրքիայի ռազմավարական կարևորությունից
ՌԴ-ն, Իրանն ու Չինաստանը համատեղ ռազմածովային վարժանքներ կանցկացնեն Պարսից ծոցում
Քաղաքականություն
23.08.2021 | 18:21
Թեհրանում Ռուսաստանի դեսպանը հայտարարել է Պարսից ծոցում 2021 թվականի վերջին և 2022 թվականի սկզբին Ռուսաստանի, Իրանի և Չինաստանի համատեղ ռազմածովային զորավարժությունների մասին, գրում է Tasnim News Agency-ն:
Լևան Ջագարյանն ասել է, որ «այս տարեվերջին և մյուս տարեսկզբին Պարսից ծոցում CHIRU ամենամյա համատեղ ռազմածովային զորավարժություններ կանցկացնեն։ Ռուսաստանի, Իրանի ու Չինաստանի ռազմանավերը կմասնակցեն դրանց»:
«Հիմնական նպատակը միջազգային նավերի անվտանգության ապահովման և ծովահենների դեմ պայքարի գործողությունների կիրառումն է», – ավելացրել է դեսպանը:
Ջագարյանի խոսքով՝ ջրացատկի մրցույթում, որը Իրանի ռազմածովային ուժերն անցկացնում են հարավարևելյան նավահանգստային Չաբահար քաղաքում ՝ 2021 թվականի Միջազգային բանակային խաղերի շրջանակներում, կմասնակցեն նաև Ռուսաստանի, Իրանի, Չինաստանի, Հնդկաստանի, Սիրիայի ու Վենեսուելայի զինված ուժերի ջրասուզորդները։
«Ռուսաստանի և Իրանի հետ միասին դրանց կմասնակցեն Չինաստանը, Հնդկաստանը, Սիրիան և Վենեսուելան: Նախատեսվում է մրցույթ անցկացնել այս երկրների զինված ուժերի ջրասուզորդների թիմերի միջև»,- ասել է Իրանում ՌԴ դեսպանը:
