27.11.2024 | 15:51
Վրաստանի ընդդիմությունը կմտնի խորհրդարան՝ պաշտոնապես մանդատներից հրաժարվելու համար
Ֆրանսիան չի ընդունում «Թալիբան»-ի իշխանությունը․ ԱԳ նախարար
Քաղաքականություն
22.08.2021 | 15:41
Ֆրանսիան չի պատրաստվում ընդունել «Թալիբան»-ի իշխանությունն Աֆղանստանում։ Այս մասին կիրակի՝ օգոստոսի 22-ին, Journal du Dimanche թերթի հետ հարցազրույցում հայտարարել է երկրի ԱԳ նախարար Ժան իվ լե Դրիանը, գրում է ՏԱՍՍ-ը։
«Պատրաստվո՞ւմ ենք մենք ընդունել թալիբների իշխանությունը, որ գրավեցին երկիրը ուժով։ Այդ հարցին ես հստակ պատասխանում եմ՝ ոչ»,-ասել է նախարարը։
Նա ընդգծել է, որ թալիբները գիտեն Փարիզի պահանջները, դրանք են՝ նախևառաջ, հնարավորություն տալ այն մարդկանց, ում կյանքը վտանգված է, լքել երկիրը և խզել բոլոր կապերն ահաբեկիչների հետ։
Ֆրանսիայի ԱԳ նախարարը նշել է, որ պետք է ՄԱԿ-ի Անվտանգության խորհրդին հետևելով՝ թույլ չտալ Աֆղանստանը վերածել ահաբեկչական հարթակի, պատրաստ լինել բնակչության հնարավոր դուրսբերմանն ու ապահովել տարածաշրջանային անվտանգությունը։
