27.01.2026 | 12:11
Թուրքիայի նախագահականն ապատեղեկատվություն է որակել «Հայաստանին 10 միլիոն դոլարի օգնություն տրամադրելու մասին տեղեկությունները»
Քաբուլի օդանավակայանի մոտ հրմշտոցի հետևանքով երեք մարդ է զոհվել
Քաղաքականություն
21.08.2021 | 19:31
Քաբուլի օդանավակայանի մոտ հրմշտոցի հետևանքով առնվազն երեք մարդ է զոհվել, «ՌԻԱ Նովոստի»-ի փոխանցմամբ՝ հաղորդում է Sky News հեռուստաալիքը:
Հեռուստաալիքի թղթակից Ստյուարտ Ռամզիի խոսքով՝ ինքը տեսել է «առնվազն երեք մարմին», որոնք դուրս են բերել մայրաքաղաքի օդանավակայանի մոտ:
Նշվում է, որ բրիտանացի զինվորները փորձել են օգնել մարդկանց։
««Թալիբանը» ցույց է տվել համագործակցության պատրաստակամություն, քանի որ խոսքը հիմնականում ամբոխի զսպման մասին է», – Ռամզիի խոսքը մեջբերում է հեռուստաալիքը:
Աֆղանստանում իրավիճակը հատկապես սրվել է վերջին շաբաթներին, երբ «Թալիբան» շարժման գրոհայինները արագ հարձակում են ծավալել ամբողջ երկրում և գրավել բոլոր սահմանային անցակետերը, իսկ օգոստոսի 15-ին մտել Քաբուլ եւ վերահսկողության տակ վերցրել նախագահական պալատը:
Աֆղանստանի նախագահ Աշրաֆ Գանին լքել է երկիրը, որպեսզի, նրա խոսքերով, «կանխի կոտորածը»: Օգոստոսի լույս 16-ի գիշերը թալիբների քաղաքական կազմակերպության ներկայացուցիչ Մուհամեդ Նաիմը հայտարարել է, որ Աֆղանստանում պատերազմն ավարտված է, իսկ երկրում կառավարման ձևը պարզ կլինի մոտ ժամանակներս:
