Քաղաքականություն
20.08.2021 | 19:57
Անգլիայի արևմուտքում ոստիկանությունը փակել է ճանապարհն ու կամուրջը հնարավոր պայթուցիկ հայտնաբերման պատճառով, հայտնել է Արևմտյան Մերսիայի ոստիկանությունը, գրում է ՌԻԱ Նովոստին:
«Սպաները ներկա են Բեյդլիում գտնվող Ռիվերսայդ-Նորթում, նրանք գործ ունեն հնարավոր պայթուցիկ սարքի հետ:
Ճանապարհը և մոտակա կամուրջը փակ են երթևեկության համար: Շուտով դեպքի վայր կժամանեն զինամթերքի ոչնչացման վարչության (EOD) մասնագետները », – գրել է ոստիկանությունը Twitter- ում:
Նշվում է, որ տարածքի շուրջը ստեղծվել է 100 մետրանոց շրջափակում, իսկ անվտանգության նկատառումներից ելնելով` տեղի բնակիչները տարհանվում են: Ոստիկանությունը խնդրում է բնակիչներին օգտվել այլընտրանքային ճանապարհներից:
Տաթև Ֆռանգյան
