07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
Թալիբները սպանում ու խոշտանգում են Աֆղանստանում բնակվող շիա էթնիկ փոքրամասնություններին․ Amnesty International-ը ահազանգում է
Քաղաքականություն
20.08.2021 | 19:15
Amnesty International իրավապաշտպան կազմակերպությունը հայտնում է, որ հուլիսի սկզբին, տարածքների գրավման հետ մեկտեղ, թալիբները սպանել ու խոշտանգել են Աֆղանստանի կենտրոնական մասում բնակվող Հազարա էթնիկ փոքրամասնության ներկայացուցիչներին:
Ականատեսները նկարագրել են բռնության սարսափելի տեսարաններ: Քաբուլը գրավելուց հետո թալիբները փորձում են հանգստացնել աֆղաններին և միջազգային հանրությանը, որ իրենց կառավարման սկզբունքները փոխվել են իշխանության նախորդ շրջանից: Այնուամենայնիվ, իրավապաշտպանները զգուշացնում են, որ հազարաների կոտորածը նրանց իսկական մտադրությունների ցուցիչն է:
Հազարաները մոնղոլա-թուրքա-իրանական ծագում ունեցող շիաներ են, խոսում են պարսկերեն: Նրանք Աֆղանստանում թվով երրորդ ամենամեծ էթնիկ համայնքն են, սակայն տասնամյակներ շարունակ ենթարկվել են հալածանքների՝ հիմնականում աֆղանական սուննի հասարակության կողմից: 1996-2001 թվականներին Թալիբանի առաջին իշխանությունը նույնպես ուղեկցվել է Հազարաների նկատմամբ բռնաճնշումներով:
Տաթև Ֆռանգյան
