16.12.2025 | 20:45
Անհիմն են արգելվել ցույցերը․ 2020-ին հայտարարված ռազմական դրության հետքերով. ՏԵՍԱՆՅՈՒԹ
Խուզարկություններ, ծեծ ու կին լրագրողների աշխատանքից հեռացում․ թալիբներն մտադիր չեն կատարել կանանց իրավունքները հարգելու իրենց խոստումը
Քաղաքականություն
20.08.2021 | 12:47
Թալիբները պետք է անհապաղ դադարեցնեն լրագրողների նկատմամբ ոտնձգություններն ու հարձակումներն իրենց աշխատանքի համար, թույլ տան կին լրագրոներին հայտնել նորությունները, իսկ ԶԼՄ-ները գործեն ազատ և անկախ:
Օգոստոսի 15-ից «Թալիբան» շարժման անդամներն արգելել են առնվազն երկու կին լրագրողներին աշխատել Աֆղանստանի հանրային հեռարձակող հեռուստաընկերությունում և հարձակվել են առնվազն երկու մամուլի ներկայացուցիչների վրա, մինչ նրանք լուսաբանում էին արևելյան Նանգարհար նահանգի բողոքի ցույցերը: Այս մասին CPJ-ին հայտնել են լրագրողները:
«Հանրային լրատվամիջոցներում հայտնի կին հաղորդավարներից ազատվելը չարագուշակ նշան է այն բանի, որ թալիբների ղեկավարներն Աֆղանստանում մտադիր չեն կատարել կանանց իրավունքները հարգելու իրենց խոստումը, թե ԶԼՄ-ներում, թե այլուր»,-ասել է Սթիվեն Բաթլերը՝ CPJ-ի Ասիայի ծրագրի համակարգողը:
«Թալիբանը պետք է թույլ տա, որ կին հաղորդավարները վերադառնան աշխատանքի, իսկ բոլոր լրագրողներն աշխատեն ապահով և առանց խոչընդոտների»:
Օգոստոսի 15-ին, երբ թալիբները մտան Քաբուլ, խմբի անդամները ժամանել են նաև Աֆղանստանի ռադիոհեռուստատեսություն, իսկ «Թալիբան»-ի ներկայացուցիչներից մեկը գրավելլ է ռադիոհեռուստաընկերոթյան ղեկավարի պաշտոնը՝ զբաղեցնելով Խադիջա Ամինի տեղը:
Իսկ երբ օրեր անց Խադիջան վերադարձել է աշխատանքի, նրա տեղը զբաղեցրած թալիբանի անդամը նրան ասել է «ևս մի քանի օր մնալ տանը», մինչ նրան կհայտնեն, թե երբ կարող է վերադառնալ աշխատանքի։
«Թալիբան» շարժման անդամները նաև արգելել են Աֆղանստանի ռադիոհեռուստատեսության լրատվական ծառայության հաղորդավար Շաբնամ Դոուրանի մուտքը լրատվամիջոց ՝ ասելով, որ «ռեժիմը փոխվել է», և նա պետք է «տուն գնա»։
Բացի այդ, երեկ «Թալիբան» շարժման գրոհայինները ծեծել են մասնավոր Pajhwok Afghan News լրատվական գործակալության լրագրող Բաբրակ Ամիրզադային և մասնավոր «Արիանա Նյուզ» հեռուստաալիքի օպերատոր Մահմուդ Նաիմին, մինչ նրանք լուսաբանում էին Ջալալաբադ քաղաքում տեղի ունեցող բողոքի ցույցերը:
CPJ-ն նաև ուսումնասիրում է գերմանական Deutsche Welle հեռուստաընկերության զեկույցը, ըստ որի ՝ Թալիբանի զինյալները խուզարկություններ են կատարել Աֆղանստանի արևմտյան մասում գտնվող խմբագիրներից մեկի տանը, գնդակահարել և սպանել են նրա ընտանիքի անդամներից մեկին, ևս մեկը ծանր վիրավորվել է: Ըստ այդ զեկույցի՝ գրոհայինները որոնում էին Գերմանիա փախած լրագրողի:
Տեղեկություններ կան նաև առնվազն 4 լրագրողի տներում խուզարկություններ իրականացնելու մասին։
Տաթև Ֆռանգյան
