Քաղաքականություն
19.08.2021 | 18:35
Աֆղանստանում ընդդեմ «Թալիբանի» բողոքի ցույցերը գնալով ավելի են շատանում։ Պակիստանի հետ սահմանակից Աֆղանստանի Կունար նահանգի Ասադաբադ քաղաքում մի քանի մարդ է զոհվել Անկախության օրվա ազգային տոնին նվիրված բողոքի ցույցի ժամանակ։
Ինչպես Reusters-ին պատմել է ականատեսը, միջոցառման ընթացքում «Թալիբան» շարժման գրոհայինները կրակ են բացել, սակայն դեռևս պարզ չէ՝ արդյոք դա է եղել ցուցարարների մահվան պատճառը, թե նրանք դարձել են զանգվածային խուճապի զոհ:
Ցուցարարներն իրենց ձեռքերին ծածանել են Աֆղանստանի դրոշները:
Հավելենք, որ օգոստոսի 19-ին Աֆղանստանում տոնում են 1919 թվականին Մեծ Բրիտանիայից անկախության ձեռքբերումը:
Աֆղանստանի մի շարք քաղաքներում, մասնավորապես՝ Քաբուլում, Անկախության օրը բողոքի ցույցեր են տեղի ունեցել «Թալիբան» շարժման դեմ: Նախորդ օրը ցույցեր էին գրանցվել նաև տեղի ունեցան Ջալալաբադում, որտեղ մի քանի մարդ զոհվեցին:
