16.12.2025 | 22:27
Ըստ ՌԴ ԱԳՆ-ի՝ Արևմուտքն ակտիվացրել է «ապակառուցողական ջանքերը Հարավային Կովկասում»
Բորելն Աֆղանստանում ստեղծված իրավիճակն աղետ է անվանել, որը չեն կարողացել կանխատեսել արևմտյան հետախուզական ծառայությունները
Քաղաքականություն
19.08.2021 | 17:45
Աֆղանստանում տեղի ունեցող իրադարձություններն աղետ են դարձել աշխարհում Արևմուտքի հանդեպ վստահեության համար, և դա արևմտյան հետախուզական ծառայությունները չեն կարողացել կանխատեսել: Այս մասին հայտարարել է ԵՄ արտաքին ու քաղաքականության հարցերով գերագույն հանձնակատար Ժոզեպ Բորելը, գրում է ՏԱՍՍ-ը։
Ելույթ ունենալով Եվրոպական խորհրդարանի արտաքին հարաբերությունների և զարգացման հանձնաժողովների արտահերթ նիստին՝ նա ասել է, որ իրավիճակի զարգացումն անսպասելի էր անգամ իշխանության եկած «Թալիբների» համար:
Նա ընդգծել է, որ Արեւմուտքը հսկայական միջոցներ է ներդրել աֆղանական նախագծում, սակայն դա թույլ չի տվել կայունացնել իրավիճակը երկրում:
«Սա աղետ և մղձավանջ է աֆղան ժողովրդի և աշխարհում Արևմուտքի հանդեպ վստահության համար: Որտե՞ղ էին մեր հետախուզական մարմինները, որոնք չեն կարողացել դա կանխատեսել: Վստահ եմ, որ նույնիսկ «Թալիբանը» չէր կարող դա կանխատեսել», – հայտարարել է նա:
«Սկզբում մենք խնդիր դրեցինք Աֆղանստանում հաղթել Ալ-Քաիդային» և անհնար դարձնել այնպիսի հարձակումները, ինչպիսին էր 2001 թվականի սեպտեմբերի 9-ին Միացյալ Նահանգների վրա հարձակումը, բայց հետո մեր նպատակը դարձավ Աֆղանստանում ժամանակակից պետության կառուցումը, որը կարող է երաշխավորել մարդու իրավունքների պաշտպանությունը, հատկապես կանանց և աղջիկների համար», – ասել է Բորելը:
«Այժմ մենք կարող ենք ասել, որ մենք հաղթահարել ենք առաջադրանքի առաջին մասը և ձախողել ենք երկրորդը: Ավելին, այժմ մենք նույնիսկ ասում ենք, որ մենք մեր առջև երկրորդ խնդիրն ընդհանրապես չենք դրել: Դա շատ կարևոր է քննարկել: Արդյոք դա եղել է մեր խնդիրը։ Մենք մեզ մի շարք բարդ հարցեր պետք է տանք», – ասել է Բորելը:
Տաթև Ֆռանգյան
