07.11.2024 | 22:35
Փաշինյանը հանդիպում է ունեցել Մակրոնի հետ
Չինաստանի իշխանությունները մտադիր են շարունակել օգնել Աֆղանստանին
Քաղաքականություն
18.08.2021 | 12:34
Չինաստանի իշխանությունները մտադիր են օգնել Աֆղանստանին նաև այս երկրում «Թալիբան» շարժման կողմից վերահսկողություն հաստատելուց հետո։ Այսօր նման հայտարարությամբ է հանդես եկել ՉԺՀ ԱԳՆ պաշտոնական ներկայացուցիչ Չժաո Լիցզյանը, գրում է ՏԱՍՍ-ը։
«Մենք կշարունակենք նպաստել Աֆղանստանում խաղաղության վերականգնմանն ուղղված ջանքերին և այս երկրին կտրամադրենք ամբողջ հնարավոր աջակցությունը՝ նրա սոցիալ-տնտեսական զարգացումը խթանելու համար»,-ասել է նա ճեպազրույցի ժամանակ:
Չինաստանը պատրաստ է նոր դիվանագիտական հարաբերություններ հաստատել Աֆղանստանում թալիբների կողմից հաստատված իշխանությունների հետ միայն այդ երկրում իրավիճակի կայունացումից և այնտեղ «հանդուրժող կառավարության» ձևավորումից հետո, ասել է ՉԺաոն:
«Խոսել այն մասին, թե արդյոք Չինաստանը նոր դիվանագիտական հարաբերություններ կհաստատի Աֆղանստանի հետ, հնարավոր կլինի միայն այն բանից հետո, երբ այնտեղ ձևավորվի հանդուրժող և բաց կառավարություն, որը բավարար չափով կներկայացնի իր երկրի շահերը», – ասել է նա ճեպազրույցի ժամանակ:
Տաթև Ֆռանգյան
