09.08.2026 | 19:36
Խնձորեսկում զբոսաշրջիկներ տեղափոխող մեքենան դուրս է եկել ճանապարհից
Լավրովը հայտարարել է, որ Ռուսաստանը չի շտապում ճանաչել «Թալիբան»-ի իշխանությունը
17.08.2021 | 20:25
Ռուսաստանը դեռ չի շտապում ճանաչել «Թալիբան» շարժման իշխանությունը Աֆղանստանում։ Այս մասին լրագրողների հետ զրույցում հայտարարել է ՌԴ ԱԳ նախարար Սերգեյ Լավրովը։
«Մենք չենք շտապում ճանաչման հարցում, ինչպես և մնացյալ երկրները»,- ասել է Լավրովը՝ նշելով, որ երեկ է խոսել Չինաստանի ԱԳ նախարար Վան Իի հետ և ունեն համընկնող դիրքորոշումներ, հաղորդում ՏԱՍՍ-ը։
Բացի այդ Լավրովն ընդգծել է, որ Ռուսաստանը թալիբներից դրական ազդակներ է տեսնում Աֆղանստանի հետագա զարգացման առումով։
«Մենք հուսադրող ազդակներ ենք տեսնում թալիբների կողմից, որոնք հայտարարում են իրենց ցանկության մասին՝ կառավարություն ունենալ այլ քաղաքական ուժերի մասնակցությամբ, շարունակել կրթության հետ կապված ծրագրերը, հատկապես՝ աղջիկների կրթության հետ կապված »,- ասել է ՌԴ ԱԳ նախարարը։
Լավրովի խոսքով՝ Ռուսաստանը հույս ունի, որ «Թալիբան» շարժման ու Աֆղանստանի քաղաքական ուժերի առաջնորդների երկխոսությունը կավարտվի երկրի կառավարության անցումային կառույցների ձևավորմամբ։
Էմմա Չոբանյան
