07.05.2024 | 23:30
ԵԽ-ն Թուրքիային կոչ է անում ազատ արձակել կալանավորված լրագրողներին
Հայաստանում 15 գետեր խիստ աղտոտված են. ՏԵՍԱՆՅՈՒԹ
Տնտեսություն
13.03.2018 | 18:54
Հայաստանում կան 184 փոքր ՀԷԿ-եր։ Էկոլուրն ուսումնասիրել է գետերի վրա կառուցված մոտ 135 ՀԷԿ-երի գործունեությունը և մի շարք խնդիրներ հայտնաբերել։
Փորձագետ Վիկտորյա Բուռնազյանը լրագրողների հետ հանդիպմանը նշեց դրանցից մի քանիսը, որոնց շարքում էր նաև ձկների քանակի նվազումը։ Փորձագետն առանձնացրեց գետերի աղտոտվածությունը։ Ըստ ներկայացված տվյալների՝ ուսումնասիրված 43 գետերից 15-ը խիստ աղտոտված են, ինչը ենթադրում է, որ թափոններից զատ ջրերում առկա են նաև քիմիական նյութեր։
«Եթե անգամ ՀԷԿ-երն աշխատեն նորմայի սահմաններում, միևնույն է դրանք կառաջացնեն խնդիրներ»-, նման տեսակետ հայտնեց Գիտությունների ազգային ակադեմիայի կենդանաբանության և հիդրոէկոլոգիայի գիտական կենտրոնի տնօրեն Բարդուղ Գաբրիելյանը։ Նրա խոսքով՝ ամենամեծ վնասը հասցվում է կենդական օրգանիզմներին։ Այս ամենից զատ՝ այսօր բազմաթիվ գետեր սակավաջուր են և կանգնած են ցամաքելու վտանգի առաջ։ 2017 թ․ Կառավարության հրապարակած ներդրումների հաշվետվությունում նշվում է, որ 42 միլիոն դոլարի ներդրումներ են կատարվել Հայաստանում նոր ՀԷԿ-եր կառուցելու համար։ Փորձագետ Վիկտորյա Բուռնազյանն ընդգծեց, որ մեծ ՀԷԿ-երի կառուցումը ենթադրում է մեծ տարածքների կորուստ, և կառուցումից առաջ պետք է հաշվարկել՝ որքանով կպահպանվի վնասի և օգտակարության բալանսը։
Մանրամասները՝ տեսանյութում։
Լիլիթ Շաբոյան
