Քաղաքականություն
16.08.2021 | 21:57
Վրաստանի առողջապահության նախարար Եկատերինա Տիկարաձեի խոսքով ՝ 500 հիվանդի համար նախատեսված դաշտային հոսպիտալ է կառուցվելու Թբիլիսիում, մահճակալների մեծ մասը հագեցած կլինի թթվածնով, գրում է «Գրուզիա օնլայնը»։
Լրագրողների հետ զրույցում Տիկարաձեն հայտարարել է, որ Առողջապահության նախարարությունն ամեն ինչ կանի, որպեսզի դաշտային հոսպիտալն օգտագործվի միայն ծայրահեղ դեպքում, և հիվանդների ընդունումը մնա հոսպիտալային սեկտորում։ Նրա խոսքով՝ անհրաժեշտության դեպքում դաշտային հիվանդանոցների ստեղծման համար ռեսուրսներ կգտնվեն ոչ միայն Թբիլիսիում, այլև այլ շրջաններում:
Վրաստանի բժիշկները վերջին օրվա ընթացքում արել են կորոնավիրուսի 25 հազար 730 թեստ, 13 հազար 637-ը՝ հակագենի, 12 հազար 93-ը՝ ՊՇՌ-թեստ, եւ հայտնաբերվել է վարակման 2676 նոր դեպք: Համավարակի սկզբից ի վեր երկրում այսօրվա դրությամբ հայտնաբերվել է վարակման 484 հազար 254 դեպք:
Տաթև Ֆռանգյան
