07.11.2024 | 22:50
Ահաբեկչության մեղադրանքով 5 տարվա ազատազրկման դատապարտված դպրոցականի պատժաչափը կրճատել են 24 օրով
ԱՄՆ Պետքարտուղարության հայտարարությունը Աֆղանստանի վերաբերյալ
Քաղաքականություն
16.08.2021 | 18:11
ԱՄՆ Պետքարտուղարությունն ու պաշտպանության դեպարտամենտը հանդես են եկել համատեղ հայտարարությամբ՝ կապված Աֆղանստանում վերջին օրերին տեղի ունեցած իրադարձությունների հետ։
«Հաշվի առնելով անվտանգության հետ կապված վատթարացող իրավիճակը՝ մենք աջակցում ենք ու աշխատում անվտանգ պայմաններում ապահովել օտարերկրացիների ու երկրից հեռանալ ցանկացող աֆղանստանցիների անվնաս ու կազմակերպված մեկնումը և կոչ ենք անում կողմերին հարգանք հանդես բերել ու նպաստել այս քայլերին։ Աֆղանստանում իշխանական լծակներին տիրապետող բոլոր անձինք պարտավորություն ունեն ու պատասխանատու են մարդկանց կյանքի ու ունեցվածքի պաշտպանության և ուղղակիորեն անվտանգության ու հասարակական կարգի վերականգնման համար։
Մեկնել ցանկացող աֆղանստանցիները և օտարերկրացիները պետք է հնարավորություն ունենան այդպես վարվել․ ճանապարհները, օդանավակայանները և սահմանային անցակետերը պետք է բաց լինեն ու պետք է հանգստություն պահպանվի։
Աֆղան ժողովուրդը արժանի է ապրել ապահով, անվտանգ ու արժանապատիվ կյանքով։ Մենք՝ միջազգային հանրությունում պատրաստ ենք աջակցել նրանց»,-ասված է հաղորդագրության մեջ։
