Քաղաքականություն
16.08.2021 | 22:32
Գազայի հատվածից հրթիռ է արձակվել Իսրայելի ուղղությամբ:
Հրթիռակոծության նախազգուշացման ազդանշան է հնչել Սդերոտում: Այս մասին հայտնում է NEWSru.co.il- ը:
Նշվում է, որ ներգրավվել է «Երկաթե գմբեթ» հակահրթիռային պաշտպանության համակարգը:
Իսրայելի Պաշտպանության բանակը հայտնել է, որ Գազայից արձակված հրթիռը խոցվել է:
Նշվում է, որ սա Գազայի հատվածից առաջին հրթիռակոծությունն է, Իսրայելի կողմից մայիս ամսին իրականացված հակաահաբեկչական օպերացիայից հետո։
Հիշեցնենք, որ 2021 թվականի մայիսի 10-ից մինչև 2021 թվականի մայիսի 21-ը Իսրայելի տարածքում իրականացվել է հակաահաբեկչական գործողություն:
Գազայի հատվածից բազմաթիվ հրթիռներ արձակվեցին Իսրայելի ուղղությամբ, ի պատասխան` իսրայելական բանակը ռազմական գործողություն սկսեց ընդդեմ Պաղեստինի:
Նշենք, որ Գազայում հակամարտության սկզբից պաղեստինցիների զոհերի թիվը հասել է 260-ի, վիրավորվել է 1900 մարդ:
Իսրայելական կողմից զոհվել է առնվազն 12 մարդ:
Տաթև Ֆռանգյան
