11.10.2026 | 14:46
Այսօր աղջիկ երեխաների միջազգային օրն է
Երասխում զոհված զինծառայողի մահվան դեպքի առթիվ հարուցվել է քրեական գործ
Հասարակություն
16.08.2021 | 15:41
2021թ. օգոստոսի 16-ին՝ ժամը 09:50-ի սահմաններում, հակառակորդի մարտական դիրքից ՀՀ ՊՆ N զորամասի մարտական դիրքի ուղղությամբ արձակած կրակոցի հետևանքով պայմանագրային զինծառայող Վահան Դիլիկի Թաթոսյանը որովայնի շրջանում ստացել է հրազենային վնասվածք: Այս մասին հայտնում է ՀՀ Քննչական կոմիտեն։
Արարատի բժշկական կենտրոն տեղափոխվելու ճանապարհին Վ.Թաթոսյանը մահացել է:
Դեպքի առթիվ ՀՀ քննչական կոմիտեի զինվորական քննչական գլխավոր վարչության ութերորդ կայազորային քննչական բաժնում ՀՀ քրեական օրենսգրքի 104-րդ հոդվածի 2-րդ մասի 2-րդ և 13-րդ կետերով հարուցվել է քրեական գործ, և կատարվում է նախաքննություն:
