Հասարակություն
15.08.2021 | 17:09
Ստեփանակերտի ջրազուրկ թաղամասերի բնակիչներին խմելու ջրով ապահովելու գործին աջակցում է նաև Արցախում Կարմիր խաչի միջազգային կոմիտեի առաքելությունը։ Այս մասին տեղեկացնում է Ստեփանակերտի քաղաքապետարանը, որն այսօր հանդես է եկել հայտարարությամբ։
«Մասնավորապես, վերջինիս աջակցությամբ ջրով լի բաքեր են տեղադրվում ջրազուրկ բնակելի շենքերի բակերում:
Քաղաքապետարանի ներկայացուցիչները շրջայցեր են կատարել և համոզվել, որ քաղաքի ավտոլվացման կետերը չեն աշխատում: Շնորհակալություն ենք հայտնում բոլոր նրանց, ովքեր ըմբռնումով են մոտենում ջրօգտագործման որոշ սահմանափակումներին և դրանով իսկ օգնում ժամ առաջ հաղթահարել մեր բնակչությանը պատուհասած դժվարությունները»,-ասվում է Ստեփանակերտի քաղաքապետարանի տարածած հայտարարության մեջ:
