16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռուսաստանն արգելել է ռուս ժողովրդին «խոզ» անվանած ադրբեջանցի դեսպանի մուտքը երկիր
Քաղաքականություն
13.08.2021 | 15:58
ՌԴ Ներքին գործերի նախարարությունը 50 տարով արգելել է Ադրբեջանի նախկին դեսպան Իսֆանդիյար Վահաբզադեի մուտքը երկիր, գրում է ՌԲԿ-ն։ Նախկին դեսպանը վիրավորել էր «Ռուսաստանի լիբերալ-դեմոկրատական կուսակցության» առաջնորդ Վլադիմիր Ժիրինովսկուն ու ռուս ժողովրդին։
ՆԳՆ հաղորդագրության մեջ նշվում է, որ Վահաբզադեն համացանցում թույլ է տվել արտահայտություններ, որոնք «հրահրում են ազգամիջյան ատելություն»։
Հիշեցնենք, որ համացանցում տեսանյութ էր տարածվել, թե ինչպես ադրբեջանցի դիվանագետ, Բելառուսում, Մոլդովայում, Շվեյցարիայում ու Պակիստանում Ադրբեջանի նախկին արտակարգ ու լիազոր դեսպան Իսֆանդիյար Վահաբզադեն վիրավորում է ռուս քաղաքական գործիչ Վլադիմիր Ժիրինովկսուն ու ռուս ժողովրդին՝ նրանց անվանելով «խոզեր»։
Էմմա Չոբանյան
