15.12.2025 | 17:35
ԿԳՄՍՆ ենթակայության 18 մասնաճյուղ-թանգարաններ կմիանան Էլեկտրոնային տոմսերի միասնական ավտոմատացված համակարգին
Երևանի Հյուսիսային ավտոկայանի մոտ իրար է բախվել 3 ավտոմեքենա․ կա տուժած
Հասարակություն
12.08.2021 | 21:57
Օգոստոսի 12-ին, ժամը 14։17-ին Կոտայքի մարզային ճգնաժամային կառավարման կենտրոն ահազանգ է ստացվել, որ Երևանի Հյուսիսային ավտոկայանի մոտակայքում տեղի է ունեցել ՃՏՊ․ բախվել են 3 ավտոմեքենա։
ԱԻՆ-ից տեղեկանում ենք, որ դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Opel Zafira» (վարորդ՝ Ա․ Թ․), «Hyundai Elantra» (վարորդ՝ Ա․ Բ․) և «Volkswagen Golf» (վարորդ՝ Ա․ Մ․) մակնիշի ավտոմեքենաները։
Փրկարարները «Volkswagen Golf» մակնիշի ավտոմեքենայի ուղևոր Ռ․ Ա․-ին տեղում ցուցաբերել են առաջին բուժօգնություն և մոտեցրել շտապօգնության ավտոմեքենային․ տուժածը հոսպիտալացվել է «Արմենիա» ՀԲԿ։
Փրկարարները հոսանքազրկել են ավտոմեքենաները և փակել գազի բալոնների փականները:
