16.12.2025 | 14:54
Զելենսկին հաստատել է, որ Ուկրաինան, ԱՄՆ-ն ու Եվրոպան Բեռլինում համաձայնության են եկել անվտանգության երաշխիքների շուրջ
Ես խոսում եմ գանձից, դուք՝ տանձից․ Ռուստամյանը՝ Աղաջանյանին․ Աղաջանյանը հորդորեց լռել․ ՏԵՍԱՆՅՈւԹ
Քաղաքականություն
10.08.2021 | 19:15
ԱԺ-ում Արտաքին հարաբերությունների մշտական հանձնաժողովի նախագահի թեկնածու Էդուարդ Աղաջանյանին հարց ուղղեց «Հայաստան» խմբակցության ՀՅԴ-ական պատգամավոր Արմեն Ռուստամյանը. «Ինչպե՞ս եք պատկերացնում մեր երկրի առջև ծառացած մարտահրավերների լուծման տարբերակները, ինչպե՞ս եք խորքային քննարկումներ իրականացնելու՝ առնվազն երկու հիմնական հարց լուծելու ուղղությամբ»:
«Մենք պետք է դասեր քաղենք մեր ռազմական, դիվանագիտական, քաղաքական, տնտեսական սխալներից և այս բոլոր հանգամանքների համադրության պարագայում, կարծում եմ, այդ հարցերը լուծելի են: Մենք 25-30 տարիների ընթացքում զբաղվել ենք ժամավաճառությամբ: Երբ հակառակորդը ինտենսիվ զինվում և պատրաստվում էր պատերազմի, ես չգիտեմ՝ մենք ինչ ենք արել, միգուցե այդ հարցի պատասխանը դո՞ւք ունեք»,- նշեց Աղաջանյանը՝ հավելելով, որ լինելով իշխանության ներկայացուցիչ՝ կարող է ներկայացնել, թե 2018-ից ի վեր ինչով է զբաղվել ՀՀ կառավարությունը:
«Ես խոսում եմ գանձից, դուք՝ տանձից»,- արձագանքեց Արմեն Ռուստամյանը՝ հավելելով՝ մենք հաղթանակ ենք բերել, դուք մսխել եք այն, ես հարցնում եմ՝ ինչպե՞ս պետք է հաղթահարենք մեր առջև ծառացած մարտահրավերները, դուք ի՞նչ եք ասում»:
Մանրամասները՝ տեսանյութում:
