09.06.2026 | 11:42
Սկալոնին հաստատել է, որ Մեսին կմասնակցի Արգենտինայի հավաքականի հաջորդ խաղին
Ես էլ եմ իմ կյանքում շատ սխալվել․ Խաչատուր Սուքիասյան․ ՏԵՍԱՆՅՈւԹ
Քաղաքականություն
10.08.2021 | 17:32
Պետք է իրար ճիշտ հասկանանք, ցանկացած մարդ սխալվում է, իր գործունեության ընթացքում սխալներ է անում: Ես էլ եմ իմ կյանքում շատ սխալվել: Այս մասին ԱԺ տնտեսական հարցերի հանձնաժողովի նախագահի պաշտոնում «Հայաստան» դաշինքից առաջադրված Վահե Հակոբյանի թեկնածության հարցի քննարկման ժամանակ նշեց «Քաղաքացիական պայմանագիր» խմբակցության պատգամավոր Խաչատուր Սուքիասյանը:
«Երբ որ ԶՊՄԿ-ն սեփականաշնորհվել է, չգիտեմ՝ ովքեր են եղել խորհուրդ տվողները, բայց սեփականաշնորհման արդյունքում պայմանավորվածություն է ձեռք բերվել, որ պետք է գումարը երկու տարվա ընթացքում վճարեին, 132 միլիոն դոլարի մասին է խոսքը: Այդ երկու տարվա ընթացքում 60 տոկոսը ձեռք է բերել օտարերկրացի, որը գործարանի հետ ինստիտուցիոնալ որևէ կապ չի ունեցել: Դրանից հետո ՀՀ-ն է կառավարումն իրականացրել, մեր քաղաքացիների ջանքերով է գործարանը զարգացել և տվել եկամուտներ, և այդ պարոնը կամ այդ կազմակերպությունը Հայաստանից 500 միլիոնից ավելի գումար է տարել: Ուզում եմ հասկանալ՝ իսկ չէի՞ն կարող այդ կառավարիչները այդ 500 միլիոնի տերը դառնալ, թե՞ անպայման պիտի օտարը լիներ ու Հայաստանից այդքան գումարը դուրս հանվեր, ինչո՞ւ… Հայաստանից գումարի դուրս գալը ես չեմ ընդունում»:
Մանրամասները՝ տեսանյութում:
