25.04.2026 | 21:33
Մանվել Խնձրցյանը և Վազգեն Թևանյանը տպավորիչ հաղթանակներով դարձան ԵԱ-ի բրոնզե մեդալակիրներ. ՏԵՍԱՆՅՈՒԹ
Լատվիան Բելառուսի հետ սահմանին արտակարգ դրություն է հայտարարել
Քաղաքականություն
10.08.2021 | 19:02
Լատվիայի կառավարությունը միաձայն ընդունել է Բելառուսի հետ սահմանին արտակարգ դրություն մտցնելու որոշումը՝ ապօրինի ներգաղթյալների թվի կտրուկ աճի պատճառով։ Այս մասին հայտարարել է երկրի ՆԳՆ ղեկավար Մարիա Գոլուբևան, փոխանցում է ՌԻԱ Նովոստին։
«Սահմանի ամրապնդումը սկսվում է անհապաղ»,- գրել է նա Twitter-ում։
Լատվիայի Պաշտպանության նախարարությունը պատրաստ է օգնել սահմանների պաշտպանության հարցում։
Վարչապետ Կրիշյանիս Կարինսը լրագրողներին ասել է, որ արտակարգ ռեժիմ մտցնելու որոշումը «իրականում որոշ ժամանակով փակում է Լատվիայի և Բելառուսի սահմանը»:
Ավելի վաղ Ռիգան արդեն Ազգային զինված ուժերի 50 զինծառայողի էր ուղարկել`իր անվտանգությունն ամրապնդելու համար: Իր հերթին, սեյմում կոչ են արել սահմանապահներին թույլատրել զենք օգտագործել անօրինական ներգաղթյալների դեմ:
Լատվիայի պետական սահմանապահ ծառայության ղեկավար Գունտիս Պուժացի խոսքով ՝ վերջին մեկ օրվա ընթացքում մոտ 200 ներգաղթյալ է ձերբակալվել Լատվիա-Բելառուս սահմանին:
