17.09.2026 | 12:16
Տիգրան Բարսեղյանը` գոլի և գոլային փոխանցման հեղինակ. ՏԵՍԱՆՅՈՒԹ
Ձեր ներկայացրած զոհերի և հուղարկավորվածների թվերի միջև հակասություն կա. Նազարյանը` Քոչարյանին․ ՏԵՍԱՆՅՈւԹ
Քաղաքականություն
09.08.2021 | 16:09
«Երբ որ դուք տվեցիք զոհերի մասին տեղեկատվությունը, այնտեղ մի տարօրինակ բան կար, գուցե վրիպակ է, չգիտեմ. հունիսի 12-ի դրությամբ՝ զոհվածների թիվը 3499 է, անհետ կորածներինը՝ 419 և հուղարկավորվածներինը 3558, բայց այստեղ կոպիտ հակասություն կա, որովհետև չի կարող ավելի շատ հուղարկավորված լինել, քան զոհված»,- այս մասին ԱԺ նիստում դիմելով Պաշտպանության և անվտանգության հարցերի մշտական հանձնաժողովի ՔՊ-ի թեկնածու Անդրանիկ Քոչարյանին՝ նշեց «Հայաստան» դաշինքի պատգամավոր Գեղամ Նազարյանը:
Նա նաև հավելեց, որ շատ այլ զինվորականների և իրադարձություններից տեղյակ մարդկանց հետ է խոսել և զոհերի թիվը իրականում պատկերացնում է, թե որքան է:
«Ես աշխարհում այն մարդն եմ, որն ամեն ինչ կտար, որ այդ թիվը ցածր լիներ 4 հազարից»,-ասաց Նազարյանը և պնդեց, որ այսօր իշխանությունից գոնե մեկը պետք է պաշտոնապես կանգնի և ժողովրդին ներկայացնի զոհերի իրական պատկերը, որպեսզի այլ ֆանտաստիկ թվեր հրապարակելուց խուսափեն:
Անդրանիկ Քոչարյանը հայտնեց, թե հակասություն չկա այդ թվերի մեջ, դրանք անընդհատ փոփոխվում են, և թվերը մնում են 4000-ի տիրույթում:
Անդրանիկ Քոչարյանն անդրադարձավ նաև գերիների խնդրին։ «Գերիները փոխվում են գերիների հետ, բայց մենք հիմա պետք է գնանք միջազգային կառույցների հնարավորությամբ քաղաքական երկխոսության, և անպայման գերի չի լինելու»։
Մանրամասները՝ տեսանյութում:
