19.11.2024 | 14:24
Մինչև 2018 թվականը ՀՀ-ում ռազմավարական երկարաժամկետ նպատակներ հայտարարված չեն եղել․ Արշակյան․ ՏԵՍԱՆՅՈՒԹ
Ի՞նչ է դրված բանակցությունների սեղանին և ովքեր են բանակցողները․ Գրիգորյանը՝ Քոչարյանին․ ՏԵՍԱՆՅՈւԹ
Քաղաքականություն
09.08.2021 | 15:02
«Նոյեմբերի 9-ի կապիտուլյացիոն հայտարարությունից հետո Ադրբեջանը շարունակում է իր ռազմատենչ և ծավալապաշտական քաղաքականությունը, որի փաստն այն է, որ այսօր ՀՀ սուվերեն տարածքում, մասնավորապես, Սյունիքում և Գեղարքունիքում տեղակայված են ադրբեջանական զորքեր»,-ԱԺ նիստում այս մասին բարձրաձայնեց «Հայաստան» խմբակցության պատգամավոր Աննա Գրիգորյանը:
«Նման ագրեսիայից հետո, որը տեղի է ունեցել հուլիսի 28-ին, պաշտպանության նախարարությունը հաղորդագրություն է տարածել, որում նշվում է՝ հակառակորդը Մոսկվայում նախատեսված բանակցություններից առաջ նախահարձակ մարտական գործողություններ է սկսել ՀՀ սահմանների վրա։ Խնդրում եմ շատ հստակ մեզ ասել՝ ի՞նչ բանակցությունների մասին է խոսքը։ Հաշվի առնելով այն հանգամանքը, որ Պաշտպանության նախարարությունն է նման հաղորդագրություն տարածում, կարո՞ղ ենք ասել, որ ՊՆ մակարդակներով հանդիպում է նախատեսված եղել, թե՞ ավելի բարձր մակարդակով բանակցությունների մասին է գնում խոսքը։ Եվ որ ամենակարևորն է՝ ի՞նչ է դրված բանակցությունների սեղանին»,- հեատքրքրվեց Գրիգորյանը:
Ի պատասխան՝ Անդրանիկ Քոչարյանը նշեց. «Մոսկվայում մեր ռազմավարական գործընկերոջ պաշտպանական գերատեսչության հետ քննարկվել են այդ սահմանային իրավիճակներում հնարավոր զարգացումները կանխելը։ Թե այս պահի դրությամբ ուր են հասել, մեր և ՌԴ զինված ուժերի միջև ինչ պայմանավորվածություններ են հաստատվել, ես կդժվարանամ ասել։ Բայց դա ի վնաս Հայաստանի Հանրապետության երբեք չի կարող լինել։ Ամեն ինչ կախված է այդ զարգացումների մեջ մենք մեր կորցրած հնարավորութուններն ինչքան արագ կարող են վերականգնել՝ զինված ուժերի մասով»։
Մանրամասները՝ տեսանյութում:
